منتديات الموجة القبطية المقالات المنشورة تعبر عن أراء
أصحابها وليس بالضرورة رأى الموجة القبطية
جواب
للسيد محمد البُرص – جهينه – نجع حماد...
السيد محمد البُرص... إن كنت غول ولا كمون ولا حمام آهو واحد
والسلام ...
ومن غير مُقدمه ولا تحيه ولا سلام !!!!
سلام منين يابُرص وانت ما تعرف أصلاً سلام ..
ولا سلام عليكم ولا لكم ماعدش منها فايده سلام ولا حتى كلام ..
ماخلص يابُرص الكلام وفاض الكيل وطفح وَجَع وآلآم..
والوجع ذاد يا بُرص وحرقتم الغيط والدُكان ..
ودخلت كل بيوتنا دمار ونار وأحزان من بعد أحزان ..
والبلطجى والعويل خلاص بقى هوه الحاكم والسلطان ..
وماعاد لينا ياناس فى بلادنا أمن وأمان ...
مانتم خربتوها يابُرص ولا لُه فايده كلام ينقال ولا ينعاد ...
ليه عاد .. يابُرص جهينه ... و نجع حماد .... **
الفنان شفيق بطرس
15يناير 2010
باعتب عليك يا بُرص دانتَ راجل صعيدى وتعرف الواجب ..
لكن أكَدّب فى نفسى وأقول وتعرف منين يابُرص مواجب ؟..
وكأنك بحكم الحديد والنار الهَّم علينا كاتب ..
أعتب عليك يا زمان ولا على مين أعاتب ؟..
مكتوبك ياقبطى هاتفضل للمرار كده شارب ..
مانت بُرص وسلالة تعابين ، عايشه فى جحور ومزارب ..
وسيفك واعر ومسلول وفوق الأعناق ضارب ..
ناشر فى الخلايق الموت من مشارق الكون للمغارب..
خليك كده بُرص بالدم طالع تبُخ ، نازل تبُخ ..
وترعب فى قلوب الخلايق وتدبح فى العِباد ...
ليه عاد.. يابرص جهينه... ونجع حماد.... **
دا الليله كانت يا بُرص ليلة فَرَح وعيد ...
والكل فرحان وطالع من الكنيسه لابس جديد ..
يعمّىَ الشيطان وينفرس لو حد متهنى وسعيد ..
لكن أقول ايه يابُرص ما الشر ماهواش عليك جديد ..
ما هو الأب والجد بُرص وكبيركم حَنَش وشيطان عنيد ..
قَتّال جزار ، قطاع طريق بوجه بارد متهجم بليد ..
الإسم غول والفِعل غول هاتفضل كده على طول..
حتى وسط الحملان تظهر نيابك ياغول ..
وهو الغُول يبقى كيف غول وسط غلابه بيد مغلوله وجسم مشلول ..
مانتَ لامم حواليك عصابه بلطجيه ناقصين عقول ..
والسُلطه سنداك وبيحميك ألف ومتين مسئول ..
وعاملى بطل ياغول وأمير جهاد ...
ليه عاد .. يابُرص جهينه ...ونجع حماد .... **
بقى تطلع على شباب فى عمر الزهور برشاشات ..
طب ليه عاد ياغول لاهمه اعدا ولا يهود ولا خواجات ..
داحنا يا بُرص أصحاب البلد من سنين بالألوفات..
واسأل التاريخ وخللى الزمان يحكيلك بالحق روايات..
راحت فين الشهامه ..ونخوة الرجاله؟
راحت فين أخلاق الصعايده ؟ أمات شنبات ..
ياميت خساره عليكى يامصر الحضاره والأهرامات ..
يا ميت خساره على بلاد ، نشرت النور والديانات ..
فكر التخلُف حَكَم ، على شبابنا كَتَم ، صبيان وبنات ..
حنيتوا لخيام البوادى والإبل، رجعتوا بينا للجهالات ..
ورجعتوا عشتم زمن الرعاع ..الهمج والأوغاد...
ليه عاد ..يابُرص جهينه...ونجع حماد ....**
ليلة العيد عملتوا واجب فتحت نيرانك، وبعتوا العيديه ..
كتر خيركم يابُرص ، سدوا رعاعَك وشرفونا البلطجيه ..
عرفت تختار وترضى شيطانك ،أصحاب سوابق ارهابيه ..
أرصد يابرص على كل سطح بيت قناص ..
وآهى كلاب النظام تهديكم أفتك رصاص ..
هات كل رصاص جيوشكم الغبيه ..
داحنا شُهدا أولاد شُهدا ولاد كنيسه عفيه ..
ياما تكسرت ممالك وأمم على صخرة كنيستى القبطيه ..
أبواب الجحيم لا تقوى عليها وآدى القضيه ..
هتفضل منوره عاليه صلبانها مصر المسيحيه ..
هتفضل شموعنا بين ايدين ولادنا تنقاد
مهماً عملت يابُرص جهينه ..ونجع حماد ..
شفيق بطرس
On Line
All rights reserved Copyrights@ Coptic Wave 2005-2010 Coptic Orthodox
Church Egypt
