منتديات الموجة القبطية المقالات المنشورة تعبر عن أراء
أصحابها وليس بالضرورة رأى الموجة القبطية
بتحلم تصلى
26 نوفمبر2008
بتحلم تصلى
ما عندك البيت
ولا ركن فى الغيط
انت يا ابنى عبيط
مصر بقت مش ليك
ولا هى تلاكيك
تقول انا مصرى
وبتاع
شوفلك وطن يرضى بيك
ما الوطن اتباع
ويمكن متلاقيش
كفن يغطيك
++++++++++++++++++++++++++++
بتحلم تصلى
محتاج ترخيص
من جناب الرئيس
وتمحيص
من الكهربا
والمساحة
وتفحيص
من الاوقاف
والسياحة
وحبة تنطيط
وعجين الفلاحة
ومتنساش تظبيط
ام هاشم الدلالة
وحودة صاحب البقالة
وحمادة الفاشل
وشلة البطالة
لازمن يوافقوا الصراحة
وادينا سنتين راحة
عمار يا مصر
يا بلد السماحة
++++++++++++++++++++++++++++
بتحلم تصلى
ع المقدسة
الله ينيح نفسها
كانت كويسة
ماتت زى مصر
مفلسة
كانت بتحلم بكنيسة
جنب الدار
تروحها متسندة
ع الجدار
مشتاقة يا ولدى
وبعيد المشوار
هنوصل الكنيسة امتى
ما فات النهار
وماتت
لما مات الحلم
من طول الانتظار
++++++++++++++++++++++++++++
بتحلم تصلى آمن
وتكون مأمن
ع الست والولاد
طب ازاى
والشر كامن
فى قلوب البعاد
حى على الجهاد
هينصلح حال البلاد
بهدم الكنايس
على روس العباد
++++++++++++++++++++++++++++
بتحلم تصلى
وجرس ومنارة
وكنيسة فى حضن الحارة
ريحة بخور
وورد حوالين سور
وصورة لام النور
يا عم احلم على قدك
اللى يرحم جدك
كان بيصلى فى مغارة
وتقوللى قبة ومنارة
د: ياسر يوسف غبريال
Gobrial.yasser@gmail.com
On Line
5
All rights reserved Copyrights@ Coptic Wave 2005-2010 Coptic Orthodox
Church Egypt
